Pantun Minang eps.Cinto

Den cubo-cubo batanam umbang
Kok untuang jadi kalapo
Den cubo-cubo batanam sayang
Kok untuang manjadi cinto

Ganjia bana si manggih kini
Alun digampo alah ratak
Ganjia parangai nak gadih kini
Alun disapo alah galak

Jamua balingkuik hari paneh
Jamua di kaka hari patang
Kasiah kok indak adiak baleh
Mungkin denai ka mabuak surang

Pinang batatak jo batuntun
Sakambuik buah nan mudo
Kasiah ka adiak lah batahun
Cinto indak adiak tarimo

Dilorong pado sadahnyo
Sadah langkitang padang
Diambuih jo linggga cino
Ndak ado kamisahan kito
Walu dilamun riak jo galombang
Antah kok tuhan nan kuaso

Kok ado sumua diladang
Buliah kito manumpang mandi
Kalaulah tajalin kasiah jo sayang
ndak mungkin dituka lai

Pai baburu urang ka rimbo
Singgah sabanta di painan
Duduak tamanuang minum kopi
Siang jo malam taragak juo
Kamalah kasiah disampaikan
Cameh raso dalam hati

Urang minang pai ka serang
Maminum talua sarato jamu
Kok iyo kito samo sayang
Bialah untuang ka batamu

Banyak bana bungo nan kambang
Indak sarancak bungo padi
Duo tigo gadiah nan den pandang
Surang juo pautan hati

About these ads

60 thoughts on “Pantun Minang eps.Cinto

  1. Pai manangguak ka balai balai dapeklah udang saduo kareto kalaulah iduik salieng mancinto jawuh rumahnyo kasampai juo walau di larang itu pacumo cinto lah si bujang buto

  2. surian di tanah lapang mati tatagak di tembak patui di arik urang paparangan denai baniaik tali nak panjang kanduang baniak nak mamut ui jo aie m ato denai ulehkan

  3. hehei….
    MAntap bgt pantunnya…
    Nak muda skrg kurang tw ma pantun yg kayak gini….
    tolong dipost lebih banyak lagi y….
    makasih….

  4. sinangih lauak rang tiku,,di apik d ujuang pandan,,manangih duduak d pintu,,takapik ujuang ampu ko sanak….lah bangkak…wkwkwkwkwkwk. . . .

  5. Assalamulaikum wrb….

    kain banamo si kain katun….
    di latak-an didalam biliak…
    alah lamo indak bapantun…
    Kini dicubo maulang baliak….

    dareh aia nyo banda tambuo….
    banyak urang mandi basamo…
    alah lamo indak basuo…
    apo kaba sanak sadonyo…

  6. naiak padati mambao timbo,
    timbo di bao pai ka ladang
    dima hati ndak ka taibo,
    alah di tangan di semba urang,

    #yo lah malang,,(y)

  7. tinggi tagak si batang pinang
    pinang di balah ndak ado bedonyo
    anak gadih babaju kebaya
    adiak kanduang nan uda sayang
    lah panuah dado dek rindu ko
    namun adiak taruih takana

  8. Urang olo kapadang panjanG…
    Payokumbuah jalang basimpanG…
    Laden cubo bakasiah sayanG…
    Awak namua urangnyo mahilanG…

  9. bamanuang di janjang rumah gadang ..
    takana buya hamka nan batanggang ..
    kok hari nan lah bujang ..
    nan mato lah di rambang patang ..
    Mahardhika (rank sipanjang) yo naik ka ateh ranjang ..

  10. keyennn.keyenn aku suka , bikin lagi dong eang banyak pantunnya , apalagi dalam bahasa minang , aku sukaa bangeeetttt :)

    • kabau siapo yang panjang tanduak.
      hbis padi den di lendo nyo..
      Anak siapo yg panjang rambuik..
      kanai hati den di buek nyo..

  11. sato ciek sanak

    pisau sirauik indorumin
    buatan si malin putiah
    lauik lah lamo den pacamin
    tapi balia alun buliah

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s